أسئله تتردد كثير بيننا وترفع ضغطنا دايم والمشكله مالها أي لزوم بس لقافه
يرن الجرس وترد تقول مين !
يجاوبك : أنا ، وشو مفروض إني أعلم الغيب يومك تقول أنا !!
***
مستلقي على فراشك ومطفي النور فجأه يدخل عليك أحد ويقولك بتنام !
( لا بطير اكيد بنام !! )
***
انت لابس ومتضبط و تمشي متجه للباب .. فجأه يشوفك واحد من اهلك
ويصرخ عليك ويقول بصوت عالي : هاااهـ فلان بتطلع !!
(لا بروح أجرب الباب )
***
يطق عليك باب الحمام - تكرمون - فلان وش تسوي !
( في الحمام يا أوادم يعني وش أسوي ألعب سياكل !!! )
***
قاعد بغرفتك وماسك الكتاب تذاكر .. يدخل واحد من اهلك يقولك : قاعد تذاكر !!
( لا افرش اسناني , يعني ماسك الكتاب حبن فيه ! )
***
في المقهى صدفه شفت واحد من لصدقائك او اهلك .. أول شي يقوله : هه وش جايبك !
( ابيع مويه وش بيجبني مثلا ! )
***
والا القنوات هم واسئلتهم !!
في العيد يقابلون واحد من الناس شوفو الحوار :-
المذيع : مرحبا عرفنا على أسمك ؟
المواطن : فلان الفلاني
المذيع : ايش تقول لأهلك في العيد !
المواطن : أقولهم كل عام وأنتم بخير
( لا بيقول منك المال ومنها العيال )
ماااااااااتوا اللي يسألون هالأسئله
***
والأسخف المقابلات السامجة إذا قابلوا الاطفال
يقول المذيع : أنت تحب ماما وبابا !
( لا احبك إنت ووجهك ) وش ذا السؤال الغبي !!
***
برنامج مسابقات على الهوا :
المتصل : الوو السلام عليكم
المذيع : وعليكم السلام هلا وغلا
المتصل: ممكن اشارك
( انت داق عشان تشارك ليش تستأذن !! من زود الذرابة يعني )
***
يعني شي يرفع الضغط ويجيب لبسكر ، مدري متى بيتركون عنهم هالأسئله
***
لحظة نسيت أسألك: قاعد تقرا الموضوع الحين !
( لا أخيط ملابسي )
تحياتي
موضوع: اسئلة ترفع الضغط 
الأربعاء أبريل 14, 2010 10:40 am
